Sekretari amerikan i shtetit Antony Blinken u takua të martën me presidentin e Palestinës, Mahmoud Abbas në Jordani.

Takimi vjen përpara takimit të Presidentit Joe Biden me liderin gjatë vizitës së tij të ardhshme në Lindjen e Mesme.

Blinken u takua me Abbasin më pak se një javë më parë në Aman, një nga takimet e tij të para në udhëtimin e ndërmarrë në shtatë vende.

Një zyrtar i lartë i Departamentit të Shtetit tha se Blinken i kërkoi Abbasit në atë takim “të vazhdojë të ruajë stabilitetin në Bregun Perëndimor”.

Sipas raportimeve, Abbas e bëri të qartë në atë takim se “ai do të ishte shumë kundër që” palestinezët të detyroheshin që të largoheshin nga Gaza.

Zyrtari tha: “Një nga gjërat që dëgjuam shumë qartë nga Presidenti Abbas në takimin e sotëm është duhet mbajtur konteksti historik: Shumë njerëz në Gaza janë njerëz që janë refugjatë dy herë më shumë dhe ka shqetësime rreth idesë se palestinezët po detyrohen që të largohen nga territori palestinez”.