E gjithë Italia është zhytur në zi pas tragjedisë së rëndë në Venecia , ku humbën jetën 21 persona, kur autobusi me të cilin udhëtonin ra në një boshllëk.

Aksidenti tragjik ndodhi mbrëmjen e së martës, kur drejtuesi i autobusit, për arsye ende të panjohura, humbi kontrollin e mjetit dhe ra nga një mbikalim mbi kabllot e hekurudhës elektrike nën urë. Menjëherë autobusi është përfshirë nga flakët si pasojë e të cilit 21 persona kanë humbur jetën tragjikisht dhe 18 të tjerë kanë mbetur të plagosur rëndë, 4 prej të cilëve janë shtruar në spital në gjendje të rëndë.

⚠️ Immagini sensibili

Mestre, uno dei video che giungono dalla zona dell'incidente. pic.twitter.com/02To8lkjGb

— Ultimora.net - BREAKING NEWS (@ultimoranet) October 3, 2023

Sipas gazetës italiane Il Gazzettino, autobusi po transportonte turistë ukrainas, gjermanë, kroatë dhe francezë në një kamping pranë Venecias.

Shoferi, po sipas mediave të vendit fqinj, ishte një italian, 40 vjeç, me shtatë vite përvojë profesionale dhe mësohet se ka tentuar të kontrollojë situatën, por nuk ka mundur të shmangë rënien e autobusit.

Italie : Un bus est tombé d'un viaduc et a pris feu en heurtant le sol à Mestre, dans la commune de Venise.
Au moins 20 morts sont à déplorer selon le maire, qui précise que ce bilan est provisoire.

(Rai News) pic.twitter.com/7Zg6U8Snh6

— Neurone Intelligence (@NeuroneIntel) October 3, 2023

Zjarrfikësit dhe shërbimet e ndihmës së parë kanë mbërritur menjëherë në zonë. Mes të plagosurve janë të paktën dy fëmijë.

“Pashë tym kudo dhe dëgjova njerëzit që bërtisnin për ndihmë”, tha një dëshmitar okular i tragjedisë së autobusit të Venecias.

Il bilancio provvisorio dell'incidente che ha coinvolto il pullman precipitato a Mestre è di almeno 15 morti. Secondo quanto si apprende una decina di corpi sarebbe stati estratti #ANSA https://t.co/gpbMnsiFn2 pic.twitter.com/OnO7Qijyug

— Agenzia ANSA (@Agenzia_Ansa) October 3, 2023

Sipas ministrit të Brendshëm italian  Matteo Piadendozzi,  autobusi kishte një motor me gaz natyror dhe distanca që ndan urën nga hekurudha ku ra autobusi ishte rreth  tridhjetë metra.

Kryetari i bashkisë së Venecias,  Luigi Brugnaro,  shpalli të mërkurën  ditë zie  në qytetin e tij. 

Un’immane tragedia ha colpito questa sera la nostra comunità.
Ho disposto da subito il lutto cittadino, in memoria delle numerose vittime che erano nell’autobus caduto.
Una scena apocalittica, non ci sono parole. pic.twitter.com/APnsQoPMkL

— Luigi Brugnaro (@LuigiBrugnaro) October 3, 2023

Autoritetet kanë nisur tashmë një hetim për të përcaktuar rrethanat në të cilat autobusi ra nga ura dhe përfundoi pranë linjës hekurudhore. Automjeti ka marrë flakë dhe shumë pasagjerë që kanë humbur jetën mësohet se janë djegur.

Ky është aksidenti më i rëndë trafiku në historinë e Venecias.