Ofensiva në dukje e paepur me dronë e Ukrainës duket se do të vazhdojë, pasi shtatë vendbanime në rajonin rus të Kursk janë bombarduar në atë që duket të jetë një sulm i suksesshëm me dronë, sipas guvernatorit të rajonit.

Kursk ndan një kufi me Ukrainën dhe është nën bombardime dhe sulme të shpeshta me dronë nga forcat e Kievit, pretendojnë zyrtarët në rajon.

Sot në mëngjes, në fshatin Snagost në rrethin Korenevsky, një dron ukrainas goditi një nënstacion elektrik, duke ndërprerë energjinë në shtatë vendbanime, tha Roman Starovoit në Telegram.

“Asnjë nga banorët nuk është lënduar”, shtoi ai.

Guvernatori shtoi se ekipet e emergjencës do të fillojnë të rivendosin furnizimin me energji elektrike sa më shpejt të jetë e mundur.