Ministria e Mbrojtjes e Azerbajxhanit ka njoftuar se ka nisur një operacion antiterrori në Karabakh. 

AFP ndau me ndjekëist e saj informacionin se shpërthimet u dëgjuan në Stepanakert, bastioni i separatistëve armenë në rajonin e Nagorno-Karabakh, me 'kodin e urgjencës'. 

Në deklaratën e bërë nga Ministria e Mbrojtjes e Azerbajxhanit, thuhej se “civilët dhe objektet e infrastrukturës nuk janë në shënjestër, por janë shkatërruar vetëm objektiva legjitime ushtarake”.

Presidenti rus Vladimir Putin së fundmi bëri një deklaratë të jashtëzakonshme në lidhje me Karabakun.

Putin tha: "Armenia në thelb ka njohur sovranitetin e Azerbajxhanit mbi Karabakun".

Deklarata e parë nga Armenia

Në deklaratën e Ministrisë Armene të Mbrojtjes, thuhet se në Nagorno-Karabakh nuk ka ushtarë të lidhur me ushtrinë armene.

Ministria e Punëve të Jashtme armene u strehua në Rusi ndërsa Ministria pretendon se paqeruajtësit rusë ishin përgjegjës për ndalimin e operacionit anti-terrorist të Azerbajxhanit.

Pas kësaj lëvizjeje të Azerbajxhanit, kryeministri armen Nikol Pashinyan thirri një mbledhje urgjente të Këshillit të Sigurimit.

Në deklaratën e bërë nga Zyra e Këshillit të Sigurimit, thuhet: “Axhenda e takimit përfshin çështjen e operacioneve ushtarake në shkallë të gjerë të nisura nga Azerbajxhani kundër Nagorno-Karabakut”.

Deklarata nga Rusia

Zëdhënësja e Ministrisë së Jashtme ruse Maria Zaharova tha në lidhje me konflikin:

"Ne jemi në komunikim me të dyja vendet pas operacionit të nisur nga Azerbajxhani. Jemi të shqetësuar për rritjen e tensionit në Karabakh. Ne u bëjmë thirrje të dyja palëve të ndalojnë gjakderdhjen.''

Si filloi tensioni i fundit? 

Korridori i Laçinit, rruga kryesore që lidh rajonin me Armeninë, është aktualisht nën kontrollin e paqeruajtësve rusë. 

Armenët mund të dërgonin ushqime dhe furnizime të tjera përmes këtij korridori që kalonte përmes territorit të Azerbajxhanit.

Megjithatë, zyrtarët e Azerbajxhanit akuzojnë armenët për dërgimin e armëve në Nagorno- Karabakh në këtë mënyrë . Për këtë arsye në zonë nuk lejohet të kalojë asnjë automjet, përveç autoambulancave të Kryqit të Kuq.

Në vend të kësaj, thotë ai, ndihma mund të dërgohet nëpërmjet rrugës nga qyteti Agdam në Azerbajxhan për në Khankendi.

Nga ana tjetër, zyrtarët separatistë janë të shqetësuar se korridori i Laçinit nuk do të hapet më nëse pranojnë të përdorin këtë rrugë alternative për korridorin e Laçinit dhe në vend që të kërkojnë ndihmë nga kjo rrugë, kërkojnë nga fermerët e rajonit që të ndajnë të korrat në magazinat e tyre.

Ndërsa Azerbajxhani deklaron se do të hapë Korridorin e Laçinit 24 orë pasi të përdoret rruga e Agdamit, armenët nuk duan ta legjitimojnë këtë rrugë të re.