E veja e Yevgeny Prigozhin, ish-kreu i grupit mercenar rus  Ëagner, ka ndryshuar zyrtarisht mbiemrin e saj.

Sistemi SPARK vëren se e veja e Prigozhin tani quhet Lubov Valentinovna Krazheva, raporton media ruse Fontanka.

Informacionin për ndryshimin e mbiemrit SPARK e ka marrë më 15 shtator.

Nuk ka informacion se kur është ndryshuar mbiemri. Fontanka thotë se në fakt është emri i vajzërisë së vejushës së Prigozhin.

Ish-kreu i mercenarëve kishte tre fëmijë, një djalë dhe dy vajza, por nuk dihet nëse edhe ata kanë ndryshuar edhe mbiemrat.

E veja e Prigozhin është një farmaciste dhe sipërmarrëse. Është pronare e Agat LLC, një degë e Concord Management and Consulting LLC, kompani që ishte në pronësi të ish-shefit të Ëagner.

Më 23 gusht të këtij viti Prigozhin dyshohet se ka ndërruar jetë në një aksident ajror në rajonin Tver të Rusisë. Të dhjetë personat që ishin në aeroplan vdiqën.

Dy muaj para rrëzimit të aeroplanit, Prigozhin filloi një rebelim jetëshkurtër, por i mbështetur mirë kundër regjimit të Vladimir Putin. Pasi kritikoi publikisht veprimet e anëtarëve të udhëheqjes ushtarake ruse dhe i akuzoi ata për sulmin ndaj Uagner në Bakhmut, urdhëroi një marshim drejt Moskës.