E vjetër, e rrumbullakët, e papërsosur dhe e bukur – kështu e përshkruajnë fansat e artit Koreano jugor 'kavanozin hënë', ose “dalhangari”.
Këto tenxhere të thjeshta dhe të bardha kanë magjepsur të gjithë, nga reperi RM, i grupit K-pop BTS , tek filozofi Alain de Botton.
Ish-drejtoresha e Muzeut Victoria dhe Albert në Londër, Beth McKillop, e ka quajtur kavanozin hënë një "ikonë të identitetit korean".
Dhe nëse çmimi është tregues i popullaritetit, një i tillë është shitur kohët e fundit për mbi 4.5 milionë dollarë në një ankand të Christie's.
Këtë muaj, një shembull i rrallë nga fundi i shekullit të 17-të ose fillimi i shekullit të 18-të do të dalë në shitje në Sotheby's në Nju Jork, ku pritet të arrijë më shumë se 3 milionë dollarë.
“Një kavanoz i madh hënë ka qenë gjithmonë i shtrenjtë, por mendoj se rritja e madhe në çmime dhe vlerë është… sepse ato janë bërë të njohur globale” tha Angela McAteer, drejtuesja ndërkombëtare e artit kinez për Amerikën dhe Evropën në Sotheby, gjatë një interviste.
Pasi kanë kaluar nëpër shtëpi ankandesh dhe tregtarë antike anembanë botës, disa prej tyre janë tani në koleksionet e institucioneve si Muzeu Britanik dhe Muzeu i Arteve të Bukura të Bostonit, si dhe në duart e koleksionistëve privatë.
© SYRI.net