India ka lëshuar një raketë për të studiuar diellin, pak më shumë se një javë pas uljes së suksesshme të saj pa pilot në Hënë.

Raketa Aditya-L1 , që mbante instrumente shkencore për të vëzhguar shtresat më të jashtme të diellit, shpërtheu në orën 11:50 (06:20 GMT) të shtunën për udhëtimin e saj katër mujor.

Raketa la një gjurmë tymi dhe zjarri ndërsa shkencëtarët duartrokitën, tregoi një transmetim i drejtpërdrejtë në faqen e internetit të Organizatës Indiane të Kërkimit Hapësinor (ISRO).

#WATCH | Indian Space Research Organisation (ISRO) launches India's first solar mission, #AdityaL1 from Satish Dhawan Space Centre in Sriharikota, Andhra Pradesh.

Aditya L1 is carrying seven different payloads to have a detailed study of the Sun. pic.twitter.com/Eo5bzQi5SO

— ANI (@ANI) September 2, 2023

Transmetimi u ndoq nga afro 500,000 shikues, ndërsa mijëra u mblodhën pranë vendit të nisjes për të parë ngritjen e sondës, e cila do të synojë të studiojë erërat diellore, të cilat mund të shkaktojnë shqetësime në tokë që zakonisht shihen si aurora.

Sipas ISRO, anija kozmike mban "shtatë ngarkesa shkencore për studimin sistematik të diellit", të cilat të gjitha janë zhvilluar në mënyrë indigjene në bashkëpunim midis agjencisë hapësinore të Indisë dhe instituteve shkencore.

Shtetet e Bashkuara dhe Agjencia Evropiane e Hapësirës (ESA) kanë dërguar sonda të shumta në qendër të sistemit diellor, duke filluar me programin Pioneer të NASA-s në vitet 1960. Por nëse misioni i fundit nga ISRO është i suksesshëm, do të jetë sonda e parë aziatike që do të vendoset në orbitë diellore.