Trajneri i skuadrës spanjolle të futbollit për meshkuj kishte mbështetur fillimisht presidentin e federatës së futbollit të vendit.

Fillimisht ai e mbështeti shefin e tij të kritikuar. Pastaj ai e dënoi atë. Tani ai po i vjen keq për pjesën e tij në skandalin që ka njollosur futbollin spanjoll.

Trajneri i kombëtares spanjolle të meshkujve u lut që ta falnin të premten që duartrokiti pretendimin se Luis Rubiales ishte viktimë e një fushate shpifjeje nga "feministët e rremë", pas zhurmës që u bë kur puthi në buzë një lojtare në Kupën e Botës për femra.

"Unë nuk mendoj se duhet të jap dorëheqjen, mendoj se duhet të kërkoj falje," tha Luis de la Fuente në Madrid në daljen e tij të parë publike që kur Rubiales puthi znj. Jenni Hermoso pas finales në Sidnej të Australisë. "Unë bëra një gabim njerëzor. Ishte i pafalshëm.”

De la Fuente foli një javë pasi duartrokiti disa herë gjatë një asambleje të përgjithshme urgjente të Federatës Spanjolle të futbollit kur Rubiales, presidenti i organizatës, refuzoi të jepte dorëheqjen siç pritej.

Fjalimi i Rubiales kishte brenda edhe pretendimin se znj.Hermoso e kishte pranuar puthjen e tij gjatë ceremonisë së çmimeve, që ajo s’e ka pranuar si edhe doli kundër asaj që ai e quajti "plagë" e feminizmit në Spanjë.

Zv.kryeministrja në detyrë e Spanjës, Yolanda Díaz, tha se De la Fuente dhe trajneri i ekipit kombëtar të femrave, Jorge Vilda, "nuk ishin të aftë për të mbajtur" postet e tyre.

“Kam marrë kritika të ashpra dhe janë plotësisht të merituara”, tha De la Fuente. “Nëse do të mund të kthehesha në kohë, nuk do ta bëja më. Të gjithë duhet të bëjmë më shumë për barazi. Edhe mua. Dhe unë jam duke punuar për këtë.”

De la Fuente tha se ai u kap i befasuar nga fjalimi i Rubiales dhe se duartrokitjet e tij ndodhën në një "situatë stresi dhe tensioni maksimal". Ai tha se ishte i bindur se Rubiales do të njoftonte se do të largohej, siç u raportua gjerësisht në mediat lokale.

FIFA, organi drejtues i futbollit botëror, e pezulloi përkohësisht Rubiales për 90 ditë, një ditë pas fjalimit të tij. Disa orë pasi shefi i tij u pezullua, De la Fuente lëshoi një deklaratë duke e dënuar sjelljen e Rubiales./ar/sh/SYRI.NET