“Ukrainasit po fitojnë gradualisht terren, që do të thotë se ata po i shtyjnë rusët prapa”. Kështu është shprehur sekretari i Përgjithshëm i NATO-s, Jens Stoltenberg në një intervistë për CNN.

Shefi i NATO-s thotë se ukrainasit i kanë tejkaluar pritshmëritë ndërsa shtoi më tej se ushtarët janë në gjendje të depërtojnë në territore të fortifikuara mirë.

“Ata janë në gjendje të depërtojnë disa nga këto territore të fortifikuara mirë, veçanërisht falë fushave të minuara, dhe kështu është edhe më e rëndësishme tani t’i mbështesim ata.”, theksoi ai.

“Ne kemi parë që ukrainasit i kanë tejkaluar pritshmëritë dhe ne duhet të kujtojmë se gjithçka filloi vitin e kaluar me pushtimin e plotë rus të Ukrainës.

Në atë kohë, ekspertët besonin se Ukrainës ai do t’i kishte rezistuar vetëm disa ditë apo javë, në vend të kësaj ata çliruan veriun, Kievin, lindjen, Kharkivin, territorin jugor, Kherson. Dhe tani ata po bëjnë hapa të mëdhenj”, theksoi Stoltenberg.