Partia politike e kryeministres italiane Georgia Meloni ka pretenduar se Italia e Jugut do të bëhet më e pasur se dy ekonomitë më të mëdha të Bashkimit Evropian.

“Vëllezërit e Italisë” postuan të hënën në Twitter se PBB e Italisë jugore - e cila mat vlerën totale të mallrave dhe shërbimeve të prodhuara brenda një ekonomie - "do të kalojë atë të Francës dhe Gjermanisë", duke postuar një foto të kryeministres ku shkruhej "Capolavoro Meloni".

Aty citoheshin të dhëna nga Shoqata e Artizanëve dhe Bizneseve të Vogla të Mestre, pa dhënë asnjë provë të mëtejshme.

Ky "fakt historik" do t'i "heshtte kukuvajkat e zakonshme", shtohej, duke iu referuar njerëzve që u dëshirojnë fatkeqësi të keqe të tjerëve. Tweet-i u fshi nga Twitter, tashmë i quajtur X, të hënën pasdite disa orë pasi u postua.

Kjo shkaktoi tallje nga disa përdorues të mediave sociale ku njeri thoshte se po mendonin se postimi erdhi nga një llogari humori.

E ngufatur nga çështjet e ngulitura thellë të qeverisjes së keqe, krimit të organizuar dhe varfërisë, ekonomia e Italisë jugore ka qenë prej kohësh më pak e zhvilluar se ajo e veriut e lëre pastaj krahasuar më Francën dhe Gjermaninë.

PBB për frymë në jug të vendit ishte 18,512 euro në 2017, sipas të dhënave nga analistë ekonomikë të CEIC. Atë vit ishte shumë i lartë si në Francë (35,442 euro) dhe në Gjermani (40,929 euro), megjithëse ekzistojnë pabarazi të konsiderueshme rajonale edhe në këto vende.

Ndarja ekonomike e Italisë veri-jug rezulton në pabarazi të mprehta. Aktiviteti industrial është i përqendruar në veri, me njerëzit në jug që mbështeten në bujqësi dhe turizëm, sipas rrjetit zyrtar të shërbimeve të punësimit të Bashkimit Evropian (EURES).

Vitin e kaluar, papunësia ishte 17.1% dhe 16.6% respektivisht në rajonet jugore të Kampanjas dhe Siçilisë, ndërsa në Lombardinë veriore ishte 4.9%, sipas të dhënave të BE-së.

Ekonomitë në të gjithë Evropën aktualisht po luftojnë mes inflacionit të lartë kokëfortë të nxitur nga lufta në Ukrainë dhe ndryshimet klimatike.

Meloni e ka gjetur veten nën presion politik pas një njoftimi të papritur se ekonomia u tkurr me 0.3% në tremujorin e dytë të 2023 - duke sfiduar parashikimet më optimiste nga shumica e analistëve.