Më shumë se 200 zjarre kanë djegur tashmë një zonë të gjerë të Territoreve Veriperëndimore. Ka pasur 1,067 zjarre aktive në të gjithë Kanadanë që nga e mërkura.

Evakuimet ajrore do të fillojnë të enjten për të dërguar banorët në kryeqytetin e Territoreve Veriperëndimore të Kanadasë nga rruga e zjarreve që iu afruan qytetit me 20,000 banorë.

Njerëzit në katër zonat e Yellowknife që janë në rrezik më të lartë duhet të largohen sa më shpejt të jetë e mundur, dhe banorët në zona të tjera kanë kohë deri në mesditë të së premtes për t'u larguar, tha qeveria e Territoreve Veriperëndimore.

Vetëm ata që nuk kanë mundësi të largohen me rrugë tokësore duhet të regjistrohen për fluturimet me avion, shtuan zyrtarët. Njerëzit që janë me imunitet të dobët ose kanë një gjendje që i vë në rrezik më të lartë u inkurajuan të regjistroheshin.

"Dua të jem i qartë se qyteti nuk është në rrezik të menjëhershëm dhe ka një shteg të sigurt për banorët që të largohen nga qyteti me rrugë tokësore dhe ajrore," tha Shane Thompson, një ministër i qeverisë për Territoret, në një konferencë shtypi.

Zjarri po digjej rreth 17 kilometra jashtë qytetit. Urdhri i evakuimit i lëshuar të mërkurën mbrëmado të  zbatohet për qytetin Yelloëknife dhe komunitetet fqinje të Kombeve të Parë në Ndilo dhe Dettah.

"nëse nuk bie shi, zjarri ka mundësi të arrijë në periferi të qytetit deri në fundjavë," tha Thompson.

Nëse tymi vështirëson pamjen, ata që largohen nga Yelloëknife nga autostrada do të shoqërohen përmes zonës aktive të zjarrit.

Më shumë se 200 zjarre kanë djegur tashmë një zonë të gjerë të Territoreve Veriperëndimore. Ka pasur 1,067 zjarre aktive në të gjithë Kanadanë që nga e mërkura.