Zyrtarët dhe agjencitë në mbarë botën po reagojnë ndaj situatës në Rusi, pasi kreu i grupit ushtarak privat wagner nisi atë që presidenti rus Vladimir Putin e quajti një "kryengritje të armatosur".

Ja çfarë thonë ata:

Presidenti i Kazakistanit Kassym-Jomart Tokayev bëri thirrje për rikthimin e rendit dhe ligjit në Rusi, njofton CNN.

"Rendi kushtetues dhe sundimi i ligjit janë një parakusht për ruajtjen e ligjit dhe rendit në vend. Kjo është baza për sigurinë e shoqërisë dhe zhvillimin e saj të suksesshëm," njoftoi zyra e shtypit e Presidentit kazak, duke shtuar se Putin e falënderoi Tokajevin për kuptimin e situatës.

Kryediplomati i Bashkimit Evropian, Josep Borrell, në Tëitter theksoi se mbështetja e BE-së për Ukrainën "vazhdon pa pushim".

Letonia ka rritur sigurinë përgjatë kufirit të saj me Rusinë dhe i ka ndaluar rusët të hyjnë në vend në këtë situatë që është në zhvillim e sipër, sipas ministrit të Jashtëm të Letonisë Edgars Rinkēvičs. Ministri tha në Tëitter se nuk ka "asnjë kërcënim të drejtpërdrejtë për Letoninë" dhe tha se zyrtarët po shkëmbejnë informacione me aleatët.

Gjeorgjia p  "i monitoron nga afër" ngjarjet që po shpalosen në Rusi, tha të shtunën presidentja Salome Zourabichvili. “Kufiri ynë duhet të kontrollohet fort në funksion të valëve të reja të mundshme të migrimit”, shkroi ajo në Tëitter.

Gjermania gjithashtu ka monitoruar zhvillimet "shumë nga afër" që nga mbrëmja e djeshme dhe është në kontakt të ngushtë me partnerët e saj ndërkombëtarë, tha të shtunën Ministrja e Jashtme e vendit Annalena Baerbock. “Qytetarët gjermanë në Rusi këshillohen të ndjekin këshillat tona të përshtatura për udhëtimin dhe sigurinë”, tha ajo.

Kryeministrja italiane Giorgia Meloni "po ndjek nga afër ngjarjet që po zhvillohen në Rusi, të cilat dëshmojnë se si agresioni kundër Ukrainës po shkakton gjithashtu destabilitet brenda Federatës Ruse", siç tha zyra e saj në një deklaratë.

Ambasada italiane në Moskë u ka bërë thirrje qytetarëve italianë në rajonet e Rostovit dhe Voronezhit të Rusisë që të qëndrojnë "fshehur" dhe “të rrinë të informuar për zhvillimet", raportoi të shtunën dega e CNN, SkyTG24.

Presidenti i Lituanisë, Gitanas Nauseda tha se ngjarjet aktuale tregojnë se lufta e Rusisë kundër Ukrainës ka "dështuar".

"Po i ndjekim nga afër ngjarjet. Regjimi i Kremlinit po korr atë që mbjell. E gjithë dhuna e drejtuar ndaj Ukrainës ka dështuar," shkroi ai në Tëitter. "Samiti i NATO-s në Vilnius do të vlerësojë rrethanat e reja. Situata komplekse e sigurisë kërkon masa shtesë. Ne duhet të përgatitemi për çdo skenar!"

Sekretari i Jashtëm i Mbretërisë së Bashkuar kryesoi një takim të grupit të punës të qeverisë, Dhomat e Informimit të Kabinetit. Këto takime thirren nga qeveria për të diskutuar reagimin e Mbretërisë së Bashkuar ndaj situatave emergjente. Më herët, kryeministri i Mbretërisë së Bashkuar Rishi Sunak i kërkoi Kremlinit dhe Ëagnerit "të jenë të përgjegjshëm dhe të mbrojnë civilët"./ar.sh/SYRI.NET

Forcat Wagner sot.