Presidenti Vladimir Putin uroi sot grupin mercenar ‘Wagner’ dhe ushtrinë ruse për atë që ai e quajti “çlirimin” e qytetit lindor të Ukrainës, Bakhmut, të cilin Rusia e etiketon me emrin Artyomovsk të epokës sovjetike.

Në një deklaratë në faqen e internetit të Kremlinit, udhëheqësi rus tha se beteja – më e gjata dhe më e përgjakshme e luftës 15-mujore – kishte përfunduar me një fitore ruse dhe se të gjithë ata që kishin shkëlqyer në këtë betejë do iu jepeshin çmime shtetërore.

“Kreu i Shtetit përgëzoi grupet sulmuese të Wagnerit, si dhe të gjithë anëtarët e njësive të Forcave të Armatosura Ruse që u dhanë atyre mbështetjen dhe mbulimin e nevojshëm në krahët e tyre, në përfundimin e operacionit për çlirimin e Artyomovsk (Bakhmut) Do të prezantohen të gjithë ata që u dalluan me çmime shtetërore”, thuhet në deklaratë.