Nga Ufuk Uçta, BILD

Fjalia e famshme e Kemal Ataturkut, themeluesit vizionar të Turqisë moderne dhe kozmopolite, nuk ka qenë kurrë më e rëndësishme: “Ka kultura të ndryshme, por ka vetëm një qytetërim- ai evropian”.

Zgjedhjet presidenciale të së dielës nuk janë vetëm politike, por edhe më të rëndësishme se kurrë më parë për shoqërinë.

Si turq, ne jemi përballë vendimit nëse do të pranojmë një rënie të mëtejshme të sundimit të ligjit apo do të përpiqemi së bashku për një demokraci të qëndrueshme dhe të lirë, që është kulturalisht e orientuar ndaj Perëndimit.

Fati politik i dekadave të ardhshme është tani në duart tona- është shansi ynë i fundit!

Kaq shumë është në lojë. Bëhet fjalë për asgjë më pak se një zgjedhje mes modernitetit dhe shtypjes. A duam që t’i përkushtohemi një islamizimi zvarritës që ka lënë gjurmë në Turqi për një kohë të gjatë, apo më në fund do të bëjmë përparim evropian përsëri?

Tani është momenti kur duhet të ngremë zërin. Le të shpresojmë që këto zgjedhje të bëhen nën frymën e Ataturkut dhe trashëgimisë së tij!