Fshatrat piktoreske italiane po vuajnë nga mbi-turizmi. Qyteza Portofino ka nisur të mbajë qëndrim.

Portofino, një qytet i vogël bregdetar në rivierën italiane, është bërë një pikë e nxehtë turistike - dhe vendasit kanë filluar të ndiejnë lodhje.

Me ndërtesa shumëngjyrëshe që rrethojnë ujin, kalata piktoreske e qytetit është materiali kryesor i Instagramit.

Në verë, do të thotë një fluks vizitorësh që pozojnë për selfie, duke bllokuar rrugët dhe rrugicat.

Për të luftuar këtë, kryebashkiaku i Portofino ka shpallur “zonat pa pritje”. Kushdo që kapet duke u varur në kalatë për një kohë të gjatë, midis orës 10:30 dhe 18:00 rrezikon një gjobë prej 270 eurosh.

Qyteti ka pak më shumë se 400 banorë, por tërheq shumë turistë, me numra që ndonjëherë i kalon 10,000. Kjo rezulton në rrugë të mbipopulluara dhe bllokime trafiku.

Ndalimi synon të parandalojë grupe të mëdha turistësh që të grumbullohen në skelë. Vendimi do të jetë në fuqi deri në përfundimin e sezonit të pushimeve më 15 tetor.

Si tjetër po e lufton Italia, numrin e madh të turistëve?

Portofino nuk është i vetmi qytet italian që lufton kundër turizmit. Poshtë në bregun e Amalfit, limanet dhe qytetet buzë shkëmbinjve tërheqin një numër të madh vizitorësh në muajt e verës.

Për të reduktuar trafikun në shtrirjen e famshme 35 kilometra midis Vietri sul Mare dhe Positano, një sistem kufizimi i targave u prezantua midis qershorit dhe shtatorit të vitit të kaluar.