Presidenti i Koresë së Jugut, Yoon Suk-yeol, ka thënë se është e nevojshmë të ndihmojnë Ukrainën në luftën me Rusinë dhe se Seuli po shqyrton opsionet për dërgimin e mjeteve vdekjeprurëse në Kiev.
Yoon tha se pushtimi rus ishte një shkelje e ligjit ndërkombëtar dhe të drejtave të ukrainasve.
“Ne duhet të dëshmojmë se përpjekje të tilla nuk do të kenë kurrë sukses, për të bllokuar përpjekjet e mëtejshme që do të bëhen në të ardhmen,” tha ai.
Yoon u pyet për mundësinë që Koreja e Jugut të dërgojë ndihmë vdekjeprurëse për Ukrainën.
“Ne po monitorojmë nga afër situatën që po ndodh në fushën e betejës në Ukrainë dhe do të marrim masat e duhura për të respektuar normat ndërkombëtare dhe të drejtën ndërkombëtare.
Tani për tani ne po monitorojmë nga afër situatën dhe po shqyrtojmë opsione të ndryshme,” theksoi ai.
© SYRI.net