Një aleat i presidentit rus Vladimir Putin paralajmëroi sot se bota mund të jetë në prag të një lufte të re botërore, duke theksuar rrezikun në rritje të një  konftrontimi bërthamor gjithashtu.

“Bota është në prag të një lufte të re botërore”, tha në një konferencë sot në Moskë ish-presidenti rus Dmitry Medvedev, tani nënkryetar i këshillit të sigurisë të Putinit.

Ai tha se një luftë e tillë botërore nuk ishte e pashmangshme, por shtoi se rreziqet e një konfrontimi bërthamor po rriteshin  dhe sipas tij janë më serioze se shqetësimet për ndryshimet klimatike.