Nuk ndalen skandalet e prokurorëve të përzgjedhur nga miliarderi majtist, George Soros në qarqet e rëndësishme në SHBA.
Sipas Fox News, një prokurore qarku në Kaliforni, u tha familjarëve të një viktime të vogël, se zyra e saj po shqyrtonte mundësitë për të ndëshkuar vrasësit e vogëlushit pa i çuar ata në burg.
Prokurorja Pamela Price, e cila mori mbështetje në fushatën e saj nga donatori majtist George Soros, i bëri këto komente në një email të dërguar për anëtarët e komunitetit.
Vogëlushi 1-vjeçar Jasper Wu vdiq kur u gjend në mesin e një përplasje mes bandave në vitin 2021.
Tre anëtarë të një bande u paditën për vrasje.
Kur familjarët kërkuan të mësojnë më shumë për këtë çështje, prokurorja u tha se ata nuk njohin parimet kryesore kushtetuese.
Sipas saj, ajo po përpiqej që të gjente mënyra për t’i ndëshkuar autorët, por pa u dënuar me burg.
Një ish-prokuror i këtij qarku tha se nëse ai do ishte në vendin e prindërve të vogëlushit, do ndjehej thellësisht i ofenduar.
Miliarderi Soros ka sponsorizuar zgjedhjen e shumë prokurorëve në SHBA, duke shpenzuar miliona dollarë.
Qëllimi i këtyre prokurorëve është që të mos japin ndëshkime të rënda për autorët e krimeve. Për këtë arsye, në zonat e tyre kanë lulëzuar krimet e rënda.
Kjo situatë ka provokuar një krizë të rëndë politike në SHBA.
© SYRI.net