Përpara ofensivës së shumëpritur të pranverës nga Rusia, trupat ukrainase janë stërvitur në Poloni me tanke “Leopard 2” vetëm disa javë pasi Berlini dha dritën jeshile që tanket e prodhimit gjerman të dërgoheshin në Ukrainë.

Të hënën, presidenti i Polonisë Andrzej Duda mori pjesë në vitrinën e stërvitjes në bazën ushtarake Swietoszow në Poloninë perëndimore, ku instruktorë polakë, norvegjezë dhe kanadezë kanë punuar me ushtarët ukrainas.

Presidenti Duda vlerësoi trupat që kanë luftuar kundër pushtimit rus që nga 24 shkurti 2022, pothuajse një vit më parë.

Ai tha, "këta janë drejtues tankesh me shumë përvojë, të cilët mbërritën këtu direkt nga fronti" në Ukrainë."

Sipas instruktorit polak Krzysztof Sieradzki, trajnimi zakonisht zgjat dy muaj, por duke pasur parasysh afërsinë e sulmit të ri të Rusisë, 105 trupat ukrainase do të përfundojnë kursin në vetëm një muaj.

Rusia ka të ngjarë të përpiqet të sigurojë territorin që aneksoi ilegalisht në fund të shtatorit, ku pretendon se sundimi i Kremlinit është i mirëpritur për shkak të 'referendumeve', siç është Donetsk.

Rusët pretendojnë se kanë marrë fshatin Krasna Hora pranë Bakhmut, në rajonin e Donetsk, duke përdorur 'njësi sulmi vullnetare', një pranim i rrallë nga ushtria ruse se luftëtarët nga grupi paraushtarak Wagner ishin të përfshirë.