Konsultimet politike midis Turqisë dhe Rusisë do të mbahen në Stamboll të enjten dhe të premten për të diskutuar çështjet rajonale, tha Ministria e Jashtme turke.

Delegacionet e kryesuara nga zëvendësministri i Jashtëm turk Sedat Onal dhe homologu i tij rus Sergey Vershinin do të trajtojnë marrëveshjen e eksportit të grurit në Detin e Zi, si dhe çështjet rajonale si Siria, Libia dhe Palestina, tha ministria në një deklaratë.

Ministri i Jashtëm turk Mevlut Çavusoglu njoftoi takimin e ardhshëm, duke thënë se angazhimi mes dy vendeve vazhdon dhe shkëmbimi i mendimeve vazhdon jo vetëm për Ukrainën, por edhe për çështje të tjera rajonale.

Ankaraja i ka bërë vazhdimisht thirrje Kievit dhe Moskës që t'i japin fund luftës përmes negociatave.