Kailua-Konia, Hawaii  - Valët ngjyrë portokall të llavës, plot shkëlqim dhe tymit të hirit kërcyen të hënën nga vullkani më i madh aktiv në botë në shpërthimin e tij të parë në 38 vjet. Zyrtarët u thanë njerëzve që jetonin në ishullin e madh të Hawait të ishin gati për zhvillimin më të keq të mundshëm.

Shpërthimi i Mauna Loa nuk i ka rrezikuar për momentin qytetet, por Shërbimi Gjeologjik i SHBA-së paralajmëroi rreth 200,000 njerëzit e Big Island se një shpërthim "mund të jetë shumë dinamik dhe vendndodhja dhe përparimi i rrjedhave të lavës mund të ndryshojë me shpejtësi".

Zyrtarët u thanë banorëve që të jenë gati të evakuohen nëse rrjedhat e lavës fillojnë të shkojnë drejt zonave të populluara.

Shpërthimi filloi natën vonë të së dielës vonë pas një serie tërmetesh mjaft të mëdha, tha Ken Hon, shkencëtari përgjegjës në Observatorin e Vullkanit Havai.

Zonat ku po dilte llava - krateri i majës së vullkanit dhe shfryrjet përgjatë krahut verilindor të vullkanit - janë të dyja larg shtëpive dhe komuniteteve.

Zyrtarët i kërkuan njerëzve të qëndronin larg, duke pasur parasysh rreziqet që paraqet llava, e cila po kërcen nga 30 deri në 60 metra lart në ajër nga tri çarje të veçanta që vlerësohen afërsisht të jenë nga 1.6 deri në 3.2 kilometra) të gjatë.

Gazrat vullkanikë që dalin nga vrimat, kryesisht dioksidi i squfurit, janë gjithashtu të dëmshëm.

Cilësia e ajrit në Big Island në përgjithësi është e mirë tani, por zyrtarët po e monitorojnë me kujdes, tha Dr. Libby Char, drejtoresha e Departamentit të Shëndetit të shtetit.

Hon tha se cilësia e ajrit mund të përkeqësohet përsa do të zgjasë shpërthimi, të cilin shkencëtarët presin të zgjasë rreth një ose dy javë nëse vullkani ndjek modelet historike.