Ambasadori rus në Uashington, Anatoly Antonov, vlerësoi se vendimi i Shteteve të Bashkuara të Amerikës për dërgimin e ndihmës ushtarake në Ukrainë paraqet kërcënim për Moskën dhe rrit rrezikun e një konflikti ushtarak ndërmjet Rusisë dhe Perëndimit.

"Ne besojmë se ky është një kërcënim i menjëhershëm për interesat strategjike të vendit tonë," tha Antonov.

Sipas tij, furnizimi i Ukrainës me pajisje ushtarake "jo vetëm që zgjat gjakderdhjen dhe shkakton viktima të reja, por gjithashtu rrit rrezikun e një konflikti të drejtpërdrejtë ushtarak midis Rusisë dhe vendeve perëndimore", raporton Reuters.