Tensionet me Rusinë, Britania e Madhe furnizon me armatime Ukrainën

Tensionet me Rusinë, Britania e Madhe furnizon me armatime Ukrainën

08:08, 18/01/2022
A+ Aa A-

Britania e Madhe po furnizon Ukrainën me raketa e antitank me rreze të shkurtër, në prag të konfliktit me Rusinë, pasi kjo e fundit grumbulloi rreth 100 mijë trupa në kufi.

Ben Wallace u tha deputetëve se një ekip i vogël trupash britanike do të dërgohej gjithashtu në Ukrainë për të ofruar trajnime.
Ai tha se kishte “arsye legjitime dhe reale për shqetësim” se trupat ruse mund të përdoren për një pushtim.
Rusia mohon çdo plan pushtimi dhe akuzon Perëndimin për agresion.

Dhjetëra trupa britanike kanë qenë në Ukrainë që nga viti 2015 për të ndihmuar në trajnimin e forcave të tyre të armatosura, dhe Britania e Madhe ka marrë gjithashtu një angazhim për të ndihmuar në rindërtimin e marinës së Ukrainës pas pushtimit rus të Krimesë në 2014.
Por Wallace tha se Mbretëria e Bashkuar do të ofronte ndihmë shtesë për sigurinë në dritën e “sjelljes gjithnjë e më kërcënuese” të Rusisë.

“Ukraina ka çdo të drejtë të mbrojë kufijtë e saj dhe kjo paketë e re ndihme rrit më tej aftësinë e saj për ta bërë këtë,” u tha ai deputetëve.

“Më lejoni të jem i qartë: kjo mbështetje është për aftësitë e armëve me rreze të shkurtër dhe qartësisht mbrojtëse; ato nuk janë armë strategjike dhe nuk përbëjnë asnjë kërcënim për Rusinë; ato duhet të përdoren në vetëmbrojtje.”

Ambasadori ukrainas në Britaninë e Madhe përshëndeti vendimin e Britanisë për të dërguar armë dhe trupa shtesë, por tha për BBC se problemi më i madh ishte se ata nuk ishin anëtarë të NATO-s.

© SYRI.net

Lexo edhe:

Komentet

Shto koment

Denonco