Wilmington - Pas bisedimeve të ashpra midis presidentëve Joe Biden dhe Vladimir Putin mbi grumbullimin e trupave ruse në kufirin me Ukrainën, të dyja palët këmbëngulin se shpresojnë se një rrugë për lehtësimin e tensioneve mund të hapet gjatë bisedimeve diplomatike të caktuara për në janar.

Por me më pak se dy javë para takimit të zyrtarëve të lartë amerikanë dhe rusë në Gjenevë, hendeku është i thellë dhe perspektiva për të gjetur një dalje nga kriza ka komplikime.

Biden u tha gazetarëve të premten se ai e këshilloi Putinin kur ata folën me telefon një ditë më parë se bisedimet e ardhshme mund të funksiononin vetëm nëse lideri rus "çtensiononte, jo përshkallëzonte situatën" në ditët në vijim.

Presidenti i SHBA tha se ai gjithashtu kërkoi t'i bënte të qartë Putinit se SHBA dhe aleatët ishin të gatshëm të godisnin Rusinë me sanksione ndëshkuese nëse rusët pushtojnë më tej Ukrainën.

“Ia bëra të qartë presidentit Putin se nëse ai bën më shumë lëvizje ndaj Ukrainës, do të kemi sanksione të rënda”, tha Biden. "Ne do të rrisim praninë tonë në Evropë me aleatët e NATO-s."