Calais, Francë - Mohammad dhe Jaber kalojnë çdo ditë duke kërkuar për kamionin e duhur dhe këtë pasdite ndiejnë sikur e gjetën.

Ky kamion duket i duhuri. Ata i thërrasin shokut për t’u hedhur brenda. Ai vrapon, fiksohet në platformën lëvizëse midis kabinës dhe pjesës së ngarkesave dhe futet rrëmbimthi brenda. Kamioni nuk ndalet, do të thotë që shoferi nuk e ka vënë re.

Kamioni dhe ndalesa pastaj zhduken poshtë një autostrade franceze drejt tunelit të Kanalit Anglez, ku shokët e këtij djali shpresojnë se ai do të arrijë në destinacionin e tij: Britani.

Mohammad dhe Jaber janë dy refugjatë sudanezë në moshë të re që i shpëtuan luftës në vendin e tyre, duruan rrëmbime dhe rrahje në Libi dhe kaluan Mesdheun vdekjeprurës në Itali.

Ata tani janë në qytetin verior francez të Calais, dhe si qindra njerëz të tjerë kryesisht nga Afrika Lindore dhe Lindja e Mesme, ata po përpiqen të shkojnë në Britani duke u fshehur në kamionë në atë që është provuar të jetë një metodë e rrezikshme dhe potencialisht vdekjeprurëse.

Politikanët në të dy anët e Kanalit Anglez po diskutojnë se si t'i bëjnë ata të ndalojnë, pasi mijëra njerëz kaluan në Britani me mjete të ndryshme muajt e fundit në një rrjedhë që është pritur me retorikë të shtuar anti-emigrante.

Ndërsa disa me ca para mund të paguajnë për të shkuar në Britani me varka të pasigurta dhe të mbipopulluara në ujëra shpesh të rrezikshme, të tjerë hidhen mbi një nga dhjetëra mijëra kamionë mallrash që kalojnë çdo javë midis Francës dhe Britanisë.

Shumë nga emigrantët në Calais duan të arrijnë në Mbretërinë e Bashkuar në kërkim të mundësive ekonomike ose për shkak të lidhjeve familjare dhe komunitare. Autoritetet franceze thonë se një tërheqje tjetër e madhe janë rregullat e dobëta britanike ndaj emigrantëve pa dokumente qëndrimi.

Vetëm emigrantët e rinj dhe të aftë, të pakufizuar nga anëtarët e tjerë të familjes, guxojnë të provojnë të hidhen me kamion.

Në një ditë të ftohtë vjeshte në Calais javën e kaluar, pesë të rinj u strukën pranë një rrethrrotullimi në një vend ndërtimi me baltë, duke shikuar teksa kamionët dilnin nga një magazinë. Një i ri i gjashtë u fsheh afër rrugës.

Kur doli një kamion me pamje premtuese, burrat e tjerë i thirrën atij për të kërcyer aty brenda.

Ekziston një kod për t'i treguar kërcyesit se në cilin nga kamionët dalës duhet të kapin.

"Ne u themi atyre numrin një – jo! Numrin dy – jo! Numrin tre - po!" – shpjegoi Mohammad duke dhënë vetëm emrin e tij të parë nga frika e arrestimit ose dëbimit për përpjekjen për të kaluar kufijtë në mënyrë të paligjshme.

Shoferët e kamionëve kontrollojnë për të parë nëse ndokush u ka hyrë në kamion ose ndalojnë për t'u thënë atyre se nuk do të shkojnë në Britani ndaj nuk ka kuptim të ngjiten në kamion.

Policët me makina patrullimi vijnë shpesh, gjithashtu, sirenat e tyre bien, për të penguar djemtë refugjatë.

Pasi hipin në një kamion, kërcyesit i kushtojnë vëmendje të madhe rrugës së kamionit. Vetëm një sekuencë e kthesës majtas dhe djathtas e do t'i çojë ata në tokën e premtuar përtej Kanalit.

E nëse drejtimi është i gabuar, ata zbresin dhe fillojnë përsëri.

Mohammad arriti dy herë të hipte në një kamion pa u vënë re, por iu desh të hidhej kur kuptoi se nuk po shkonte në Britaninë e Madhe.

Disa hipin në hapësirën midis kabinës dhe ngarkesës. Disa ngjiten në ndarjen e ngarkesave nëse mund të hapin dyert.

Dhe edhe nëse automjeti po shkon në drejtimin e duhur, më shumë sfida dhe rreziqe i presin ata.

Policia përdor teknologjinë në tunelin e Kanalit për të skanuar kamionët për nxehtësinë e trupit njerëzor dhe lëvizjen e hijeve. Nëse zbulohen, ata detyrohen të dalin nga automjete prej policisë. Më shumë se 18,000 refugjatë u zbuluan në kamionë vitin e kaluar, dhe 11,000 deri më tani në 2021.

Grupet e mbrojtjes së refugjatëve dhe vëzhguesit e të drejtave të njeriut raportojnë se kanë marrë thirrje për ndihmë nga emigrantët në kamionë me frigoriferë të cilët thonë se po mbyten ose po vdesin nga hipotermia. Disa thonë se ata janë dhunuar nga policia kur u kapën.

Disa vuajnë nga kocka të thyera ose më keq kur përpiqen të hidhen mbi kamionë në lëvizje.

Në fund të shtatorit, 20-vjeçari Yasser Abdallah u shtyp për vdekje nga një kamion. Abdallah, gjithashtu, kishte ikur nga Sudani. Ai ëndërronte të ishte shofer taksie në Britani. Komuniteti i emigrantëve në Calais u pikëllua për të dhe një javë më vonë, më shumë se 300 persona dolën për të marshuar në kujtim të tij.

Në një apel me shkrim drejtuar shoferëve të kamionëve, marshuesit pyetën: “Kur vëreni një refugjat në kamion, ju e shkundi kamionin dhe frenoni e niseni papritur  derisa ai të ikë. Pse nuk mund të vazhdojmë udhëtimin tonë? ”

Kërcyesit nëpër kamionë kanë vazhduar të përpiqen pa pushim.

Natën, ata flenë në pyll rreth Calais, në një tendë nëse janë me fat, por zakonisht nën pemë. Sipas vëzhguesve të të drejtave të njeriut, policia bastis kampet çdo mëngjes, duke i arrestuar, duke i hedhur gaz lotsjellës dhe duke konfiskuar sendet e tyre.

"Disa njerëz qëndrojnë një ditë, disa një javë, disa një muaj. Unë, katër muaj dhe 15 ditë," tha Mohammad. Ai dhe të tjerët vlerësojnë se vetëm dy deri në tre persona në ditë arrijnë të hipin në ndonjë kamion për në Britani.

Ahmad, një 28-vjeçar, një kërcyesh nëpër kamionë, i cili u largua nga vendi i tij në vitin 2018 për shkak të luftës, i tregoi një reporteri një video TikTok të bërë vetëm një ditë pasi Yasser vdiq, nga llogaria e dikujt që ia kaloi atë.

Në video, një burrë vrapon në krah të një kamioni bardhë e blu dhe hidhet aty.

Videoja është e mbuluar me tekst në arabish, flamurin anglez dhe dy shkronja nga alfabeti anglez: "MB".