Zyrtarët e lartë të Bashkimit Evropian shprehën lehtësim të mërkurën se ata do të kishin përsëri një mik në Shtëpinë e Bardhë tek Joe Biden zëvendëson Donald Trump.

Charles Michel, presidenti i Këshillit Evropian, tha se duhet të shfrytëzohet momenti për të formuar një "pakt të ri mbëhstetës" midis fuqive demokratike. Atij iu bashkua në Parlamentin Evropian, Ursula von der Leyen, presidente e Këshillit Evropian, për t'iu drejtuar eurodeputetëve disa orë përpara inaugurimit të Biden.

"Këtë kohë, kjo ceremoni nderi në shkallët e Kapitolit të SHBA do të jetë një demonstrim i rezistencës së demokracisë amerikane," tha ajo. "Dhe dëshmi kumbuese se edhe një herë, pas katër viteve të gjata, Evropa ka një mik në Shtëpinë e Bardhë."

Por zyrtarja e lartë i Brukselit vuri ne dukje faktin se miliona amerikanë kishin votuar për Trump dhe se disa prej tyre shkaktuan trazira në emër të tij në 6 janar e kjo duhet të shërbente si një paralajmërim.

"Presidenti Trump mund t’i kalojë historisë brenda pak orësh, por mbështetësit e tij mbeten. Më shumë se 70 milionë amerikanë votuan për Trump në zgjedhje," tha ajo. "Disa qindra prej tyre sulmuan Kapitolin në Uashington, zemrën e demokracisë smerikane, vetëm disa ditë më parë. Dhe kjo me të vërtetë është ajo që duket kur fjalët vihen në veprim, kur gjuha e urrejtjes dhe lajmet e gënjeshtërta bëhen një rrezik i vërtetë për demokracinë," tha ajo.

"Megjithë demokracinë e vendosur që është ngulitur këtu, ne nuk mund të supozojmë se jemi imun ndaj këtyre fenomeneve."

 Von der Leyen i krahasoi trazirat e SHBA me një përpjekje të fundit nga aktivistët gjermanë për të sulmuar Reichstag në Berlin në një protestë ndaj masave të bllokimit të koronavirusit. Dhe ajo përmendi rastin e Jo Cox, një deputet britanik i cili u vra nga një aktivist i ekstremit të djathtë disa javë para se Britania e Madhe të votonte për t'u larguar nga Bashkimi Evropian.

"Sigurisht, ka dallime me sulmet e Kapitolit, por ka edhe njerëz këtu që ndihen keq dhe të zemëruar", paralajmëroi ajo. Evropianët duhet të kenë kujdes nga "njerëzit që u përmbahen teorive të shfrenuara të komplotit, një përzierje shpesh e hutuar e fantazive krejtësisht absurde", tha ajo.

Kurse Michel, i cili shpresonte të priste Biden në një samit BE – SHBA paralelisht me një takim të NATO-s në Bruksel në fillim të mandatit të presidentit të ri, dha një ton më optimist.

 "Ligji, rendi dhe demokracia kanë mbizotëruar mbi këtë përpjekje të turpshme për të përmbysur zgjedhjet. Demokracia amerikane ka provuar forcën dhe qëndrueshmërinë e saj," tha ai. "Le të ndërtojmë një pakt të ri mbështetës për një Evropë më të fortë, për një Amerikë më të fortë dhe për një botë më të mirë.”