Presidenti amerikan Donald Trump ka thënë se vëllai i tij i vogël po kalon një "kohë të vështirë" kur  e vizitoi atë në një spital të qytetit të Nju Jorkut.

Z. Trump vuri një maskë në fytyrën ndërsa hyri në spitalin presbiterian të Nju Jorkut të premten pasdite, duke qëndruar për rreth 45 minuta.

Raportet e mediave amerikane thonë se Robert Trump, 72 vjeç, është i sëmurë rëndë, por nuk është e qartë pse u shtrua në spital.

Ai më parë administronte investimet e pasurive të patundshme të perandorisë së pronës Trump.

"Shpresoj që ai të bëhet  mirë," u tha Presidenti gazetarëve, rrugës për në spital. "Ai po kalon një moment të vështirë."

Pas vizitës në spital, zoti Trump, 74 vjeç, fluturoi për në klubin e tij të golfit në Bedminster aty pranë, Nju Xhersej, për fundjavën.

Ai gjithashtu u tha gazetarëve: "Unë kam një vëlla të mrekullueshëm. Kemi pasur një lidhje të shkëlqyer për një kohë të gjatë. "Nga dita e parë. Një kohë e gjatë. Dhe ai është në spital tani. Shpresojmë se ai do të bëhet mirë, por e ka pasur vështirë."

Robert kohët e fundit shkoi në gjykatë në një përpjekje të dështuar për të ndaluar botimin e librit të  mbesës së tij Mary Trump për Presidentin “Si familja ime krijoi njeriun më të rrezikshëm në botë”.

Sipas “Neë York Post”, Robert kaloi më shumë se një javë në njësinë e kujdesit intensiv të spitalit “Mount Sinai” në Manhatan në qershor.

"Po, ai është shtruar në spital," tha zëdhënësi i Shtëpisë së Bardhë Judd Deere më herët gjatë ditës, duke konfirmuar vizitën në spital pa specifikuar gjendjen e Robertit.