Si përgjigje për ligjin e ri kombëtar të sigurisë të vendosur nga Kina, ditën e sotme Australia ka pezulluar traktatin e ekstradimit me Hong Kongun.
Në deklaratën e kryeministrit Scott Morrison, ai tha se ligji i ri minon “ligjin bazik të Hong Kongut” dhe nivelin e tanishëm të autonomisë territoriale nga Pekini, transmeton.
Gjithashtu Australia planifikoi të zgjasë vizat për banorët e Hong Kongut dhe të inkurajojë bizneset atje të zhvendosen, tha ai.
Kina e ka kritikuar masën si “ndërhyrje bruto” në punët e saj të brendshme.
“Ne i bëjmë thirrje palës australiane që të ndalojë menjëherë ndërhyrjen … përndryshe nuk do të çojë në asgjë, përveç ngritjes së një shkëmbi vetëm për të goditur këmbët e veta”, thuhet në një deklaratë të ambasadës së saj në Australi.
Që kur ligji u miratua javën e kaluar, Kanadaja gjithashtu ka pezulluar traktatin e saj të ekstradimit, ndërsa Mbretëria e Bashkuar ka ofruar mundësi të shtetësisë për banorët e Hong Kongut.
Kritikët thonë se ligji e bën më të lehtë ndëshkimin e protestuesve dhe kritikëve të qeverisë kineze.
Qeveria e Hong Kongut thotë se ligji kërkohet të sjellë rendin në një qytet që pa protesta masive pro-demokracisë vitin e kaluar që shpesh shndërroheshin në dhunë.
© SYRI.net