Një qytet spanjoll, i cili u izolua nga pjesa tjetër e botës një muaj më parë për të mbrojtur banorët, nuk ka regjistruar asnjë rast me koronavirus.
Zahara de la Sierra ka arritur të mbrojë popullsinë, e cila është kryesisht e moshuar.
Qyteti-fortesë në kodër ka aplikuar një regjim të rreptë dezinfektimi të rrugëve dhe mjeteve, duke monitoruar këdo që futet në qytet.
Pesë rrugët hyrëse në qytet u bllokuan përveç njërës, e cila monitorohet. Aty është ngritur një postbllok që kontrollohet nga një polic i vetëm. Çdo mjet që futet në qytet duhet të dezinfektohet, duke nisur nga gomat.
Një e katërta e banorëve në qytet janë mbi 65 vjeç dhe më shumë se 30 banorë jetojnë në një azil të moshuarish.
Qasja e kryebashkiakut është vlerësuar nga banorët, sidomos nga të moshuarit. Ndërkohë në qytetet fqinje, koronavirusi ka shkaktuar viktima, sidomos në azilet e pleqve.
Spanja është një nga vendet më të prekura me mbi 200 mijë të infektuar dhe mbi 20 mijë vdekje.
© SYRI.net