Të rinjtë u vunë zjarrin kazanëve të mbeturinave dhe hodhën fishekzjarrë në periferinë e varfër të Parisit, thanë mediat në Francë të martën, një natë e re trazirash, pasi rregullat e rrepta të bllokimit për të frenuar koronavirusin po kërcënojnë paqen e brishtë shoqërore në to.

Stacionet televizive BFM TV dhe C News transmetuan imazhe të fishekzjarreve që hidheshin në zona të tilla si Villeneuve-La-Garenne, Aulnay-sous-Bois dhe Asnieres ndërsa policia depërtonte brenda tyre; po ashtu agjencia France Presse raportoi për zjarrin që iu vu kazanëve.

Trazirat kishin shpërthyer për herë të parë në Villeneuve-La-Garenne, në veri të kryeqytetit francez, të shtunën në mbrëmje, pasi një motoçiklist u përplas me një makinë të panjohur policie gjatë një ndjekjeje.