Pse Suedia është ndryshe? Nuk ka mbyllje, njerëzit inkurajohen të dalin jashtë

Pse Suedia është ndryshe? Nuk ka mbyllje, njerëzit inkurajohen të dalin jashtë

15:54, 25/03/2020

Suedia po befason jo vetëm Europën, pasi ndryshe nga vendet e tjera që po aplikojnë masa të forta kufizuese, vazhdon të mbajë shkollat hapur, madje inkurajon njerëzit që të dalin jashtë.

Financial Times thotë se Suedia ka vetëm pak kufizime, duke ndaluar grumbullimet e më shumë se 500 personave dhe duke këshilluar punonjësit të qëndrojnë në shtëpi nëse është e mundur.

Edhe lokalet janë të hapura, kurse gazetat janë të mbushura me histori të mijëra njerëzve të mbledhur nëpër resorte skish.

Johan Carlson, kreu i Agjencisë Publike të Shëndetit, e mbrojti këtë qasje duke thënë se vendi “nuk mund të marrë masa drakonike që kanë një ndikim të kufizuar mbi epideminë, por nxjerrin jashtë loje funksionet e shoqërisë”.

Megjithatë ai pranoi se numri i vdekjeve në Suedi do njohë rritje.

Deri më tani në këtë vend janë regjistruar mbi 2 mijë raste me koronavirus dhe 33 të vdekur.

Një epidemiolog tha se shifra është akoma e menaxhueshme.

Por epidemiologu Joacim Rocklov tha se ky është një eksperiment i madh.

“Nuk ia kemi idenë. Mund të funksionojë- por edhe mund të shkojë në drejtimin e gabuar”.

Autoritetet në Suedi nuk kanë thënë nëse po ndjekin strategjinë e imunitetit të tufës, ku një pjesë e madhe e popullsisë e marrin virusin për të ndërtuar imunitetin e shoqërisë.

Qasja liberale e Suedisë është në kontrast me vendet fqinje, si Danimarka, Norvegjia dhe Finlanda që kanë imponuar masa të rrepta kufizimesh.

© SYRI.net

Lexo edhe:

Komentet

Era25/03/2020 18:07

Do ja dëgjoni këngën...

Shto koment

Denonco