Del përgjigja e testit të parë për Kancelaren gjermane Angela Merkel, e dyshuar e prekur nga COVID-19.

Sipas zëdhënësit të qeverisë në Berlin, përgjigja e parë ka dalë negative, ndërsa pritet edhe përgjigja e të dytit.

Merkel u vetëkarantinua ditën e dielë pasi një mjek që kishte takuar kishte rezultuar pozitiv me COVID-19.

Kancelarja gjermane kishte dalë për të bërë pazaret e fundjavës dhe në mbrëmje mbajti edhe një konferencë por më pas u informua se kishte pasur kontakte me doktorin në fjalë.

Merkel do të qëndrojë në shtëpi nga ku do të kryejë edhe detyrën e saj.