Ministri polak i mbrojtjes, Mariusz Blaszczak, njoftoi përmes një postimi në Twitter se vendi i tij do të nënshkruajë kontratë për blerjen e 32 aeroplanëve luftarakë nga Shtetet e Bashkuara.
Aeroplanët e tipit “F-35 Lockheed Martin” do t’i kushtojnë qeverisë polake rreth 4.6 miliardë dollarë, shkruan “Reuters”.
Polonia për një kohë të gjatë ka bërë plane për blerjen e aeroplanëve luftarakë në përpjekje për ta forcuar ushtrinë në kohën kur marrëdhëniet me Rusinë janë acaruar.
Ministri i mbrojtjes njoftoi se ceremonia e nënshkrimit të kontratës do të mbahet të premten në Deblin, në lindje të Polonisë.
© SYRI.net