Një tërmet me magnitudë 7.1 i shkallës Rihter ka shkundur brigjet verilindore të Indonezisë duke bërë që autoritetet të lëshojnë edhe alarmin për cunami.

Lëkundja e fortë sizmike ka zgjatur për disa sekonda dhe epiqendra ka qenë në ishullin e Sulawesit.

Sipas Agjencisë Indoneziane të Gjeofizikës, tërmeti u regjistrua në një thellësi 10 km dhe për këtë arsye lëkundjet janë ndjerë më të forta.

Deri në këto momente nuk raportohen dëme apo persona të lënduar.

Indonesia është pjesë e asaj që quhet Unaza e Zjarrtë e Paqësorit me një aktivitet të lartë tërmetesh dhe vullkanesh.

Tërmeti dhe cunami i vitit 2004 shkaktoi plot 230 mijë viktima. /Syri.Net