Lamtumirë Sofia! Ndahet nga jeta vogëlushja fatkeqe

Lamtumirë Sofia! Ndahet nga jeta vogëlushja fatkeqe

09:08, 14/06/2019

Sophia Weaver i kaloi javët e fundit të jetës së saj duke bërë gjëra që ajo gjithmonë dëshironte të bënte si të shkuarit në një akuarium edhe në një muzeum arti.

Natalie Weaver, nëna e vogëlushes fatkeqe mendonte se kishte edhe më shumë kohë në dispozicion për të kaluar me vajzën e saj.

"Mendova se kishim të paktën një vit për ta kaluar së bashku ndaj edhe kishim planifikuar që të bënim një mori aventurash së bashku’, tregon nëna 38 vjeçare e tre fëmijëve.

Në janar, Weaver dhe burri i saj Mark, 49 vjeç, morën vendimin e tmerrshëm për të ndaluar marrjen e masave ekstreme për të zgjatur jetën e vajzës së tyre. Mbetën me zemrën e thyer kur vajza e tyre vdiq muajin e kaluar.

‘E morëm në shtëpi dhe nuk e lamë më në spital derisa ajo dha frymën e fundit pranë nesh’, tregojnë prindërit e vogëlushes fatkeqe.

Sophia dhjetëvjeçare lindi me deformime ekstreme të fytyrës, dorës dhe këmbës dhe e njohur edhe si sindroma Rett - një çrregullim i rrallë që do të thoshte se në këtë rast vogëlushja nuk mund të ecte ose të fliste, kishte probleme me të ngrënin e ushqimit dhe ndonjëherë edhe me frymëmarrjen.

Sophia kishte përballuar 30 operacione gjatë jetës së saj dhe kur u dëmtua gjatë operacionit të fundit të saj prindërit vendosën se nuk ishte e nevojshme që të vazhdonte ende me të tilla tortura.

‘Ishte ndoshta vendimi më i vështirë që ne kemi marrë ndonjëherë në jetë’.Përveç mbajtjes së saj jashtë spitalit, ata vendosën ta nxjerrin jashtë në publik  për herë të parë pas shumë vitesh. "Njerëzit kanë qenë gjithmonë kaq mizore, ata e quanin vazhdimisht vajzën tonë një përbindësh dhe kjo gjë e dëmtoi tej mase sistemin e saj imunitar".

Prindërit e dërguan vogëlushen në muze, në kinema, në patinazh dhe i thanë:

'Le të argëtohemi për pjesën e mbetur të jetës tënde. Ajo buzëqeshi gjithë kohës’.

Image

© SYRI.net

Lexo edhe:

Komentet

Shto koment

Denonco