Ka qenë gati një histeri kolektive ajo që ka pushtuar meksikanët, pasi kreu majtist i shtetit, Andres Manuel Lopez Obrador, ka hapur dyert e pallatit presidencial pas 80 vitesh.
Mijëra njerëz kanë vërshuar për të parë rezidencën luksoze ku kanë jetuar presidentët e vendit, raportojnë mediat vendase.
Andres Manuel Lopez Obrador, ka deklaruar se ndryshe nga paraardhësit e tij, nuk do jetojë në këtë rezidencë, e cila do kthehet në qendër kulturore, por në një lagje normale si shumica e meksikanëve.
Banorët e kryeqytetit kanë deklaruar për mediat, se kanë mbetur të habitur nga pallati ‘Los Pinos’, dhe e kanë krahasuar atë me luksin e Versajës. Andres Manuel Lopez Obrador njësoj siç deklaronte 6 vite më parë Edi Rama kur ishte në opozitë, thotë se do të ‘rilindë’ Meksikën.
© SYRI.net