Berat Gjimshiti përsëri ka qenë temë e mediave rozë dhe sërish është folur për lidhjen e tij me Alisën.

Mediat shqiptare kanë spekuluar për një ndarje të çiftit, që rezulton të jetë e pavërtetë.

 “Sigurisht, e pashë lajmin. Normalisht, nuk është i vërtetë. Me ne çdo gjë është në rregull, se di pse ata gjithmonë po shpikin”, është shprehur e dashura e futbollistit në një prononcim ekskluziv për Prive.

Më tej, bukuroshja ka sqaruar se përse ka marrë vendimin të mos ketë fotografi më me Beratin në rrjetet sociale.

“Ne nuk postojmë jetën tonë private të dashurisë në Instagram, sepse mendojmë se kjo nuk është interesante dhe jo gjithçka duhet zbuluar në publik. Javën e kaluar ishim në Itali”, ka deklaruar Alisa.