Mbretëresha e Anglisë ka bërë një vizitë të panjoftuar të enjten në Mançester, ku u takua me mjekët dhe pacientët e plagosur në sulmin terrorist të së hënës.

Mbretëresha Elizabeth u takua me familjet e viktimave dhe stafin që ishte në krye të detyrës, në spital.

22 persona , kryesisht të rinj kanë mbetur të vdekur pas sulmit kamikaz në Manchester, në fund të një koncertit të Ariana Grande.

Mediat britanike raportojnë se plot 64 person kanë mbetur të plagosur, dhe shumë prej tyre janë në gjendje të rëndë.

“I gjithë kombi u trondit nga vdekjet e kaq shumë të rinjve në Mançester”, tha Mbretëresha./SYRI.net/