Dy tërmete 5.0 ballësh kanë goditur pjesën perëndimore të Turqisë dhe provincën Manisi, por nuk ka raporte për viktima dhe dëme materiale.

Sipas mediave turke, tërmetet e pasdites të së premtes kanë shkaktuar panik te qytetarët, të cilët kanë dalë të tmerruar në rrugë.

Tërmeti i parë ka ndodhur në qytetin e Selendit pas orës 16.00, ndërsa i dyti ka ndodhur një orë më  vonë në qytetin Sehzadeler.

Tërmetet janë të shpeshta në Turqi, por më i fuqishmi i dekadave të fundit ka qenë ai i 1999 , ku humbën jetën rreth 18.000 njerëz