Personi, i cili besohet se është përgjegjës për sulmin në Westminster, (Londër Angli), është Khalid Masood, ka njoftuar policia lokale.
Masood, i cili vdiq në sulm, nuk ka qenë objekt i ndonjë hetimi aktual të policisë, por kishte një sërë dënimesh të mëparshme për sulme.
52-vjeçari ka lindur në Kent, por raportohet se ka jetuar në West Midlands.
Efektivi Keith Palmer, Aysha Frade dhe amerikani Kurt Cochran mbetën të vdekur gjithashtu gjatë sulmit, përgjegjësinë e të cilit e mori përsipër ISIS, përmes një deklarate të publikuar nga Amaq, media propagandistike e grupit terrorist. Gjithashtu, rreth 40 persona mbetën të plagosur nga sulmi.
Dënimi i parë i autorit të sulmit Khalid Masood ishte në Nëntor 1983 për dëmtim kriminal dhe dënimi i fundit në Dhjetor 2003 për posedim të një thike.
Ai nuk kishte qenë i dënuar më parë për terrorizëm.
Gjatë ditës së djeshme, agresori raportohet se ka qenë i vetëm teksa drejtonte automjetin gjatë urës “Westminster”, përpara se të përplasej me gardhin e Dhomës së Parlamentit dhe të futej në kopsht.
Aty ai ka gjuajtur me thikë një oficer policie, përpara se të qëllohej për vdekje.
/Syr.net/
© SYRI.net