Një faqe humori nga Bosnja duket se ka gjetur një mënyrë origjinale për të mirëpritur Presidentin Trump, dukë bërë një video prezantuese të vendit të tyre dhe Ballkanit, ku i kërkojnë të vijnë të dytët, pas SHBA-së sigurisht.
Video të tilla janë prodhuar anembanë Ballkanit, jo vetëm në Bosnje por Kroaci, Rumani, Bullgari e Maqedoni dhe i bëjnë thirrje Donald Trump që ta vendosë Ballkanin në vend të dytë, raporton “SYRI.net”
Videot satirike mbi politikën e presidentit amerikan kanë shkaktuar të qeshura dhe zemërim në shtete të ndryshme të Ballkanit edhe pse vazhdojnë të përhapen ne “Youtube”.
Duke u bazuar tek fjalimi i përurimit të Trump më 20 janar, ku ai njoftoi, "Nga kjo ditë e tutje, vetëm Amerika do të jetë e para", faqja satirike boshnjake publikoi një video duke i kërkuar: "Ne e kuptojmë tërësisht se Amerika është e para. Por a mund të jetë Bosnja e dyta?”
"Përshendetje , Donald. Ne jemi miqtë tuaj nga Ballkani. Boshnjakët dhe herzegovinasit . Thjesht duam të themi se ne, boshnjakët dhe serbët e kroatët (jo serbët në fakt) por njerëzit e vendit tonë me të vërtetë ju duan", thotë videoja. /SYRI.net/
© SYRI.net