Një studente është qëlluar për vdekje nga policia, pasi nën ndikim të alkoolit po ngiste veturën me të cilën filloi të shtyp turmën e të rinjve.

22-vjeçarja po festonte ditëlindjen duke vozitur veturën me të cilën u fut në turmë, veprim ky që detyroi policinë të shtie në drejtim të saj, transmeton Telegrafi.

Ngjarja e tmerrshme ka ndodhur në Miami Beach të Floridës, ku shihet Cariann Hithon nga Marylandi, përplaset në disa vetura derisa masa po e shikonin të habitur.

Dhe disa sekonda më pas pronarët e veturave bllokojnë rrugën për të parë dëmet që u janë shkaktuar nga përplasja, dhe kur ajo filloi të sulet në drejtim të policisë, dëgjohen disa të shtëna.

Cariann dhe një polic që është shtyp me veturë janë dërguar me urgjencë në spital, ku 22-vjeçarja e cila raportohet se ishte e dehur, kishte ndërruar jetë disa orë më vonë.

Ndërkaq, polici David Cajuso ka pësuar lëndime të lehta trupore, dhe tani është lëshuar nga spitali.