Një variant i ri i Covid-19 është përcaktuar si një variant me interes nga Organizata Botërore e Shëndetësisë, megjithëse rreziku për shëndetin publik është vlerësuar si i ulët.
Varianti, i njohur si EG.5 ose “Eris”, lidhet me një nënvariant të Omicron të njohur si XBB.1.9.2 dhe po përhapet globalisht, përfshirë Britaninë e Madhe, Kinën dhe SHBA-në.
Megjithatë, OBSH sugjeroi se varianti nuk përbën një kërcënim të veçantë. Bazuar në provat e disponueshme, rreziku i shëndetit publik nga EG.5 vlerësohet si i ulët në nivel global.
Deri më sot, nuk ka pasur ndryshime në ashpërsinë e sëmundjes.
“Ndoshta do të shkaktojë më shumë raste infektimesh dhe të gjitha problemeve që sjell kjo gjë – si më shumë shtrime në spital ose Covid të zgjatur– por nuk ka asnjë arsye për momentin që të mendohet se do të jetë më keq se valët e mëparshme të këtij viti,” tha për Guardian Christina Pager, një profesoreshë në University College London.
“Vaksinimi mbetet mbrojtja jonë më e mirë kundër valëve të ardhshme të Covid-19, kështu që është e rëndësishme që njerëzit të bëjnë të gjitha dozat sa më shpejt të jetë e mundur.”
© SYRI.net
Si e rrisin boronicat e kuqe performancën e atletëve ?
Vitamina D na mbron nga sëmundjet tumorale
TikTok thotë se të shpëton nga aknet: Ja ç’duhet të dish për moringa-n
Denonco
Merrni lajmet më të fundit nga SYRI.net në çdo moment dhe kudo që të jeni!
