Shumë pak ditë na ndajnë nga çmimi i madh i Monaco-s, ku do të marrë jetë fundjava e tetë në botërorin e Formula 1.
Vëmendja e drejtuesve të Ferrarit është më e veçantë këtë herë, pasi do kërkohet suksesi në vendlindjen Charles Leclerc.
Këtë e pranoi edhe drejtori i skuderisë italiane, Frederic Vasseur, i cili në një intervistë theksoi se po bëhen përgatitjet që Leclerc të triumfoj në principatë:
“Pas garës së Imola-s, tani është radha e fundjavës së Leclerc. Ne si skuderi duam ta ndihmojmë pilotin tonë që të fitojë në vendlindjen e tij. Charles e do shumë këtë pistë dhe ne do ta motivojmë”.
Më tej, Vasseur pranoi edhe vështirësitë e pistës, madje nga shumë mendohet se pista e Monte Carlos konsiderohet si një nga më delikatet, për shkak se është një terren shumë i ngushte dhe që bën të pamundur parakalimet në disa sektor:
“E dimë që pista është e komplikuar, parakalimet janë shumë të vështira për t’u kryer, prandaj provat zyrtare janë shumë të rëndësishme kësaj here. Inxhinierët po mbyllin detajet e fundit dhe do të jemi gati për fundjavën që na pret”, mbylli deklaratën e tij Frederic Vasseur.
© SYRI.net
Harry Kane bëhet anglezi i tretë që shënon në dy Europianë dhe dy Botërorë radhazi
FOTO/ Zbulohet maska që do të mbajë Mbappe pas dëmtimit në hundë
Kombëtarja nis përgatitjet për ndeshjen e fundit me Spanjë, si paraqitet gjendja e kuqezinjveBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
