Kylian Mbappe e di tashmë se çfarë do të thotë të bësh histori në Barcelonë.
Futbollisti i PSG-së aspiron të përsërisë arritjen e tri viteve më parë në “Camp Nou”, por këtë herë në një vend tjetër siç është “Olímpic de Montjuïc”.
Në atë kohë ai hyri në historinë e Champions League, pasi realizoi tripletë, duke tejkaluar një rekord të Leo Messit dhe thyer një seri pozitive për Barcelonën, çka e zhyti atë në një krizë evropiane nga e cila mund të dalë vetëm duke fituar.
Herën e fundit që Kylian sfidoi Barcelonën në fushën e saj, në atë kohë u përballën dy nga lojtarët më të mirë të futbollit evropian dhe botëror së futbollit: Mbappe dhe Messi.
Një përballje ku i pari prej tyre arriti një rekord që deri atëherë mbahej nga i dyti.
Argjentinasi mundi të bënte pak, ndaj nuk e shmangu dot disfatën e skuadrës blaugrana (1-4), ku tre prej këtyre golave u realizuan nga ndërkombëtari francez.
Mbappe shënoi tre gola në moshën 22 vjeç, një muaj e 27 ditë, duke u bërë futbollisti më i ri deri më tani që ka shënuar një tripletë në Champions League.
Deri në atë moment, rekordin e mbante Leo Messi, i cili shënoi tripletën e tij të parë në Ligën e Kampionëve në vitin 2010, në moshën 22 vjeç, 9 muaj e 14 ditë.
Në atë kohë, argjentinasi luajti si “macja me miun” me mbrojtjen e Arsenalit.
Sonte, PSG do të ketë nevojë për paraqitjen optimale të Kylian Mbappe, i cili atë ditë realizoi 10 nga 11 driblime dhe 3 nga 4 goditjet mes tri shtyllave përfunduan në rrjetën e portës katalanase.
© SYRI.net
Bëje LIKE dhe merr lajmin e fundit nga Sporti: