Tashmë dihen 24 shtetet që do të marrin pjesë në Kampionatin Evropian “Euro 2024”, që do të mbahet këtë verë.
Mbrëmjen e djeshme u zhvilluan tri finalet e “Play-Offit”, ku u mësuan emrat e tri kombëtarëve të fundit që siguruan një vend në Gjermani, atje ku do të organizohet turneu.
Ukraina mposhti Islandën (2-1), teksa dy ndeshjet tjera u vendosën pas ekzekutimit të penalltive.
Gjeorgjia shkroi historinë duke siguruar kualifikimin për herë të parë, pasi mposhti Greqinë (4-2), teksa Polonia triumfoi ndaj Uellsit (4-5).
Pas këtyre ndeshjeve u kompletuan përfundimisht edhe grupet.
Ukraina do të jetë pjesë e Grupit E, Gjeorgjia pjesë e Grupit F, kurse Polonia pjesë e Grupit D.
Vlen të theksohet se në “Euro 2024” do të shohim edhe Kombëtaren e Shqipërisë, e cila është e shortuar në një grup mjaft të vështirë (Grupi B), bashkë me Spanjën, Italinë dhe Kroacinë.
© SYRI.net
Sonte dueli i tretë gjysmëfinal mes Pejës e Yllit, therandasit një fitore larg finales
Borxhe dhe bilanc negativ, juventinët duan anulimin e titullit të Interit
Açerbi mbyll para kohe sezonin me Interin, mendjen te Shqipëria në EuropianBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
