Cagliari rikthehet te fitorja dhe e bën këtë në transfertën e një rivali direkt për mbijetesën si Empoli.
Sardët e drejtuar nga Claudio Ranieri triumfuan me rezultatin minimal 0-1 në Toskanë, duke iu falur një goli të Jankto, për të marrë tri pikët dhe për të parakaluar Sassuolon, por duke mbetur sërish në zonën e rënies.
Nga ana tjetër, një hap fals për vendasit, që me Davide Nicolën në stol pësojnë humbjen e parë dhe pikërisht në një sfidë ku nuk pritej, atë në shtëpi ndaj Cagliarit. Vetëm Ardjan Ismajli titullar për Empolin, ndërsa Berisha dhe Shpendi panë sërish sfidën nga stoli.
Në sfidën tjetër direkte për mbijetesën në Serinë A, Frosinone dhe Lecce nuk shkuan dot përtej barazimit 1-1, rezultat që duket se kënaq të dy skuadrat, të cilat duket se do ta bëjnë në distancë duelin me njëra-tjetrën.
Cheddira shënoi për vendasit në shtesën e pjesës së parë, ndërsa Lecce riktheu baraspeshën me Krstovic në minutën e 61-të, pas ekzekutimit të një penalltie.
Nga moria e shqiptarëve që kanë të dy skuadrat, vetëm Ylber Ramadani luajti si titullar dhe qëndroi në fushë për gjatë gjithë kohës, ndërsa Marvin Çuni, Ibrahimovic dhe Medon Berisha qëndruan gjithë kohën në pankinë.
© SYRI.net
Zbulohet paga, ja sa do të përfitojë Sylvinho nga kontrata e re
PSG ‘kërcënon’ Barcelonën, ofron dyfish më shumë për Nico Williams
Guardiola bën deklaratën e bujshme, e gjithë Premier League dridhetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
