Me rastin e ditës së fundit të testeve në Bahrein, Lewis Hamilton rikthehet për të folur për kalimin e tij te Ferrari duke filluar nga viti 2025.
“Ferrari është një ëndërr fëmijërie. Ishte një mundësi që vendosa ta shfrytëzoj. Ishte vendimi më i vështirë që kam marrë ndonjëherë. Mercedes më ka mbështetur për 26 vjet dhe jam krenar për arritjet e mia me këtë kompani, por mendo se duhet të shkruaj historinë time dhe mendova se ishte koha e duhur për të filluar një kapitull të ri.
Kur isha fëmijë dhe luaja video-lojëra të Formula 1, kam zgjedhur gjithmonë Michael Schumacher. Çdo shofer pyet veten se si do të ishte të vishte kostumin e Ferrarit.
Ferrari nuk ka arritur rezultate të shkëlqyera që nga viti 2007 dhe kjo gjithashtu më stimulon”, ka thënë ndër të tjera Hamilton.
© SYRI.net
Bëje LIKE dhe merr lajmin e fundit nga Sporti: