Myrto Uzuni arriti që të shënojë edhe në ndeshjen e së premtes mes Alaves dhe Granadës, por realizimi i sulmuesit kuqezi nuk i mjaftoi skuadrës së tij, që u mund 3-1. Kjo humbje duket se ka mbushur kupën për trajnerin Paco López. Vetë klubi ka njoftuar përmes një deklarate për mediat se tekniku 56-vjeçar nuk do të jetë më timonieri i skuadrës.
Në këto 14 javë Granada ka marrë 7 pikë, falë 1 fitoreje dhe katër barazimeve, shifra këto që e rendisin në vendin e parafundit të La Ligas. Në një situatë të tillë drejtuesit duan të ndryshonë diçka dhe synojnë të nisin një projekt të ri me një tjetër trajner.
Myrto Uzuni e ka gjetur në 5 raste rrugën e rrjetës, duke qenë shënuesi më i mirë i skuadrës së bashku me Zaragoza. Tani, beratasi do të presë për të mësuar se kush do të jetë trajneri i ri i skuadrës. 28-vjeçari deri më tani ka qenë një nga titullarët e padiskutueshëm të skuadrës.
© SYRI.net
Zbulohet paga, ja sa do të përfitojë Sylvinho nga kontrata e re
PSG ‘kërcënon’ Barcelonën, ofron dyfish më shumë për Nico Williams
Guardiola bën deklaratën e bujshme, e gjithë Premier League dridhetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
