Në të tre kompeticionet ditën e djeshme u mësuan gjysëmfinalistet dhe mes ekipeve më të mira të Europës për këtë sezon janë plot 5 formacione, të cilat përfaqësojnë Serinë A italiane.

 

Milani dhe Interi do të përballen mes vete në gjysëmfinale të Championsit për herë të parë pas 20 vjetësh. Ndërkaq, në Europa League do të shohim Juventusin dhe Romën. “Bardhezinjtë” do të kenë punë me Sevijën, ndërsa “verdhekuqtë” me Bayer Leverkusen-in. Ndërsa në Conference League është preent Fiorentina. “Vjollcët” në gjysmëfinale do të kenë punë me Bazelin e Taulant Xhakës.